Неколку основни и средни училишта, како и градинки, во Бања Лука и други градови денеска добија пораки за поставени експлозивни направи, а полицијата е на терен и ги проверува дојавите.
Дојави за поставени бомби добиле и училиштата во регионот на Добој и Зворник.
Полициската управа Бања Лука соопшти дека утрово примила повеќе пријави за пристигнати пораки на електронските адреси на основни и средни училишта во Бања Лука, во кои се наведува дека се поставени експлозивни направи, пренесува РТРС.
„Полициските службеници постапуваат по пријавите во согласност со Упатството за постапување на припадниците на Министерството за внатрешни работи во случај на закана за поставена експлозивна направа или друг опасен предмет“, соопшти Полициската управа Бања Лука.
