КИЦ Битола со најава за нова филмска сезона во Кино Манаки на Широк сокак

Празниците и празнувањата се зад нас, а зимата сеуште бара начини да нè задржи дома Но, затоа сме ние тука да Ви понудиме излез од зимската монотонија и да Ве повикаме на #kino . Со особена возбуда ја најавуваме новата филмска сезона во Кино Манаки. Започнуваме овој Четврток со проекција на детскиот филм „Клинци Каубојци“ . Две сирачиња од Ирска тргнуваат на возбудливо патување со воз до Њујорк за да го сретнат својот вујко и да го побараат неговото наследство. Додека да станат пријатели со гувернантата која се грижи за друга група деца, тие се соочуваат со ненадеен напад од бандити.