Инаугурацијата на Доналд Трамп на 20 јануари претставува потенцијална цел за закани и насилни екстремисти, предупредија американските разузнавачки агенции.
Поради тоа, безбедноста ќе биде засилена, а се очекува да бидат распоредени околу 25.000 полицајци и воени лица за обезбедување на церемонијата на инаугурацијата, пишува американскиот весник Политико.
Потенцијалните сторители, се претпоставува, би можеле да ја видат заклетвата на новоизбраниот претседател како „последна шанса да се влијае врз изборните резултати преку насилство“, напишаа група разузнавачки и агенции за спроведување на законот во процената за закана.
Проценката на заканите, составена од ФБИ, Тајната служба, полицијата на Капитол, владата на Вашингтон и полицискиот оддел на Врховниот суд, наведе низа сценарија во кои се вклучени странски терористи, домашни екстремисти и волци-самотници кои би можеле да извршат бомбашки напади, летови со беспилотни летала или напади врз возила и слично.
Официјални лица за спроведување на законот, исто така, се загрижени дека протестите околу инаугурацијата би можеле да станат насилни – одредени групи бараа дозволи за демонстрации, вклучително и некои кои претходно организираа протести кои завршија со апсења.
„Минатите протести на некои од овие лица вклучуваа блокади на сообраќајот, неовластено влегување на имот, уништување имот и отпор при апсење“, се додава во процената на заканите.
Во документот се наведува и дека протестите поради конфликтот во Газа го нарушиле Капитол Хил и дека борбите таму би можеле да ги инспирираат екстремистите во државата.
Како што се наведува, документот е слично форматиран како оној испратен во 2021 година пред инаугурацијата на претседателот Џо Бајден. Во исто време, документот покажува како се промениле опасностите во изминатите четири години – особено во однос на иранските закани за Трамп и тензиите поттикнати од војната во Газа.
Во текот на изборната кампања Трамп имаше неколку обиди за атентат врз него.
