МЕРМЕРНА КРСТИЛНИЦА ОД 2,5 ТОНИ ПОСТАВЕНА ВО ЛЕШАНСКИОТ МАНАСТИР, ЕДИНСТВЕН НА БАЛКАНОТ ПОСВЕТЕН НА „СИТЕ СВЕТИТЕЛИ“

Денес во манастирот „Си Свети“, средновековен манастир во Општина Дебрца, сместен во селото Лешани, беше поставена крстилница кај старата црква на манастирот, посветена на „Сите Светци“.

Црквата потекнува од 1452 година, кога биле удрени темелите на неа врз основите на постара црква, за која се претпоставува дека потекнува од IX век.

Крстилницата е изработена од мермер, а нејзин автор е уметникот Владо  и Горан Стојкоски од Прилеп. Изработката траела четири месеци, а крстилницата тежи 2,5 тони.

- Advertisement -

Таа претставува донација од Сашо, Тамара и Кристина Денесовски од „СОС Балкан Медиа“ Охрид, Горан, Кристина, Јана и Иван Јошевски од „ЈК Травел“ Битола, како и Златко, Весна, Бијанка и Кристијан Силјаноски од село Лешани. Помагатели на донацијата се Богоја Прензовски и Пепе Компани од Охрид.

Во рамките на донацијата, истите донатори се активно вклучени и во изградбата на други објекти во склоп на манастирот.

Лешанскиот манастир е единствениот манастирски комплекс посветен на „Сите Светители“ во Македонија, но и на Балканот.