25- ТО ИЗДАНИЕ НА „ОХРИДСКИ БИСЕРИ”

 Започна  Интернационалниот натпревар за млади музичари „Охридски бисери” што се одржува  по 25-ти пат со поддршка  на Општина Охрид.

Млади музичари од државава  и Светот ќе ги претстават своите знаења и талент во дисциплините: пијано, виолина и камерна музика.

Во изминатите 25 години, на натпреварот учествувале повеќе од 2.500 млади музичари од 36 држави, а дел од жирито биле  над 135 врвни музички уметници од 28 земји, што го вбројува овој настан меѓу најреномираните музички натпревари во Европа.

- Advertisement -

Како членка на European Union of Music Competitions for Youth (EMCY) од 2005 година, манифестацијата претставува значаен промотор на младите музички таленти и достоен културен амбасадор на Охрид и Македонија пред меѓународната јавност.

„Охридски бисери” веќе четврт век останува прозорец кон светот, афирмирајќи ја музичката уметност, младешката креативност и културните вредности кои го прават Охрид препознатлив на европската и светската културна мапа.

Oрганизатор на настанот е  Здружението на граѓани – Интернационален натпревар за млади музичари „Охридски бисери“.