18 загинати во напад на Хутите врз воен камп за обука во Јемен

Најмалку 18 лица загинаа денес во напад на Хутите врз воен камп за обука во Јемен, изјавија владини и здравствени извори за агенцијата Ројтерс.

Станува збор за воен камп на јеменската влада, лоциран во провинцијата Шабва.

Во меѓувреме, Соединетите Држави ги повикаа своите граѓани на Блискиот Исток на зголемена претпазливост, предупредувајќи на можно откажување на летови, затворање на воздушниот простор и нарушувања во патувањата, како последица на нападите врз Саудиска Арабија извршени од Хутите, кои се поддржани од Иран.

- Advertisement -

Стејт департментот соопшти дека конфликтите „имаат потенцијал брзо да ескалираат надвор од непосредната област“, ​​предупредувајќи дека Иран и групите што дејствуваат во негово име би можеле да претставуваат закана за интересите на САД во странство.