Десет лица се повредени во нападот што се случи во вчера вечерта во Њујорк, кога непознати мажи пукаа во толпата која се наоѓаше пред влезот на ноќен клуб.
Како што јави ABC News, пукањето се случило во 23.20 часот по локално време во Квинс, кога било соопштено дека во престрелката се ранети неколку лица.
Според извештаите, 15 луѓе чекале во ред пред влезот, кога се појавиле четворица мажи и почнале да пукаат во толпата.
Ранети се вкупно 10 млади на возраст од 16 до 20 години. Според полицискиот извештај испукани се повеќе од 30 куршуми, ранети се шест жени и четворица мажи, кои се пренесени во регионалните болници.
Како што беше кажано, дел од напаѓачите побегнале со автомобил, додека дел по злосторството побегнале пеш.
Полицијата соопшти дека не се работи за терористички напад, а властите истражуваат дали настанот е поврзан со конфликт меѓу локални банди.
