Утрово во 7 часот и 23 минути, Сеизмолошката опсерваторија при Природно-математичкиот факултет во Скопје регистрираше земјотрес со локална магнитуда од 2.2 според Рихтеровата скала.
Епицентарот на земјотресот се наоѓал на 130 километри југоисточно од Скопје.
Според податоците од сеизмолошките станици инсталирани ширум територијата на земјата, земјотресот бил почувствуван во југоисточните делови на Македонија со интензитет од III степени според Европската макросеизмичка скала.
Нема информации за причинета материјална штета или други последици од земјотресот.
