Зеленски ја продолжи мобилизацијата во Украина до 5 ноември

Украинскиот претседател Володимир Зеленски потпиша два закона со кои се продолжува воената состојба во земјата и се продолжува општата мобилизација до 5 ноември, објавија украинските медиуми.

Во соопштението од украинскиот парламент на Телеграм се наведува дека воената состојба е продолжена од 7 август за 90 дена и дека „крајниот рок за општа мобилизација е продолжен и за соодветен период“.

„Ваквите одлуки се оправдани со тековната вооружена агресија на Руската Федерација против Украина“, се вели во соопштението.

- Advertisement -

Воената состојба во Украина беше воведена на 24 февруари 2022 година, кога Русија започна инвазија на Украина, и оттогаш украинскиот парламент постојано ја продолжуваше, најново до 7 август годинава.