Загинаа 7 лица во два израелски напади врз Газа

Најмалку 7 лица загинаа во два израелски напади во Појасот Газа утринава, соопшти Цивилната одбрана на палестинската територија, неколку часа по објавувањето на прекинот на огнот што треба да стапи на сила в недела.

Во бомбашки напад на куќа во населбата Римал во градот Газа загинаа пет лица, а повеќе од 10 се ранети, се наведува во соопштението на Цивилната одбрана.

Во центарот на Газа, две лица загинаа кога израелски напад погоди зграда.

- Advertisement -

Цивилната одбрана објави 20 смртни случаи во израелските напади во три одделни напади минатата ноќ, откако Катар и САД објавија дека е постигнат договор за прекин на огнот во Појасот Газа.

Договорот предвидува прекин на огнот почнувајќи од недела, ослободување на 33 израелски заложници во замена за 1.000 палестински затвореници и зголемена хуманитарна помош.