Војната во Иран досега не доведе до зголемена миграција кон Европа

Војната во Иран досега не доведе до зголемена миграција кон Европа, вели германскиот министер за внатрешни работи Александар Добриндт.

– Во моментов не гледаме зголемен миграциски притисок – вели Добриндт во интервју за весникот „Рајнише пост“.

Министерот рече дека властите внимателно ги следат миграциските движења во Иран и во Либан.

- Advertisement -

– Гледаме високо ниво на внатрешна миграција во двете земји, но сè уште не откриваме притисок на турската граница. Тоа би бил првиот индикатор за понатамошно миграциско движење кон Европа – рече Добриндт.

Тој додаде дека сепак се подготвуваат мерки на претпазливост на европско ниво.

Добриндт, исто така, ја остави отворена можноста за продолжување на внатрешните гранични контроли по септември.

– Прашањето за продолжување на граничните контроли не зависи исклучиво од ситуацијата во Германија – рече министерот.

Реформата на Заедничкиот европски систем за азил (CEAS) треба да стапи на сила низ цела Европа на 12 јуни.

– Системот мора да биде функционален, а меѓународната ситуација и нејзините можни ефекти, исто така, играат голема улога – рече Добриндт.

Додаде дека наредните недели ќе покажат како ќе се развива ситуацијата, особено на Блискиот Исток, и какви миграциски движења можат да следат.