Министерот за одбрана Владо Мисајловски и министерот за надворешни работи Тимчо Муцунски на покана на специјалниот пратеник на претседателот на САД, Доналд Трамп за специјални мисии, Ричард Гренел учествуваа на сесија посветена на новите политики на американската администрација.
„Од особена важност е да се слушнат пораките од Вашингтон, кои носат една нова, поинаква реторика и која првенствено се залага за постигнување на мировно решение, за која се залагаме и ние како држава и членка на најголемиот политичко-воен сојуз во светот“, напиша на фејсбук министерот Мисајловски.
Сесијата се одржа во рамки на Минхенската безбедносна конференција.
ВМРО-ДПМНЕ објави дека министерот Мисајловски најавил дека Македонија постепено ќе го качува буџетот за одбрана до 5% од БДП.
