Утрово најниска темепература во земјава од -11 степени Целзиусови е измерена во Берово, соопшти УХМР.
Со -7 степени следуваат Скопје-Петровец, Битола, Маврови Анови и Попова Шапка, -6 во Тетово, Крива Паланка, Прилеп, Штип, Демир Капија, Струмица и Велес, -5 во Скопје-Зајчев Рид, Крушево, Претор и Кавадарци и -4 степени во Охрид, Виница и Гевгелија.
Висината на снежната покривка, измерена во 7 часот утринава, изнесува 30 сантиметри на Попова Шапка и 13 сантиметри во Маврови Анови.
Утрово е студено, а преку денот ќе биде сончево со мала до умерена локална облачност. Ќе дува слаб до умерен променлив ветар.
Максималната температура ќе биде во интервал од 4 до 11 степени.
Во Скопје преку денот ќе биде сончево со мала до умерена облачност. Ќе дува слаб променлив ветер. Максималната температура ќе достигне до 9 степени.
