Уште три ирански сателити денеска беа лансирани во вселената од руски лансирни ракети „Сојуз“

Топ Вести - Слушај сега

Уште три ирански сателити денеска беа лансирани во вселената од руски лансирни ракети „Сојуз“, објавија иранските државни медиуми.

- Advertisement -

Во последниве години, Иран сè повеќе се потпира на својот сојузник Русија кога станува збор за испраќање сателити во орбитата.

Иранците велат дека целта на испраќањето на последните три е да се придонесе за следење на развојот на земјоделството, следење на природните ресурси и животната средина.

– Овие сателити беа дизајнирани и произведени од ирански научници… и покрај сите санкции и закани. Соработуваме со Русија во различни области. Некои се очигледни, а не сакаме да разјаснуваме други -изјави амбасадорот на Иран во Русија, Казем Џалали, за државната телевизија.

Официјалната новинска агенција на Иран, ИРНА, објави дека три сателити – Паја, Зафар 2 и уште еден Коусар – се наменети за ниската Земјина орбита.

Од руската инвазија на Украина во 2022 година, Иран и Русија ги продлабочија врските, при што западните земји го обвинуваат Иран дека обезбедува ракети и беспилотни летала за руски напади врз Украина. Техеран го негира ова.