Управата за јавни приходи соопшти дека повеќе од 35.000 граѓани поднеле барање за регистрација на кориснички профил на даночен обврзник – физичко лице, е-Даночни услуги (Е-ППД) но постапката за регистрација не успеале да ја завршат во целост

Управата за јавни приходи соопшти дека повеќе од 35.000 граѓани поднеле барање за регистрација на кориснички профил на даночен обврзник – физичко лице, е-Даночни услуги (Е-ППД) но постапката за регистрација не успеале да ја завршат во целост.

За да ја завршат постапката, според УЈП, тие треба да појдат до надлежната канцеларија на Управата. Притоа треба да понесат и  важечки документ за идентификација, за да може овластеното службено лице да ја одобри регистрацијата.

Од Управата велат дека овие граѓани веќе добиле и електронската пошта преку  info@ujp.gov.mk со насока за понатамошно  постапување.

- Advertisement -

Од управата појаснуваат на користа од кориснички профил во системот е-Даночни услуги а тоа е дека овозможува да се користат  услуги преку порталот за електронски услуги, овозможува увид во податоците од годишна даночна пријава за данок на личен доход, можност да се добијат уверенија за остварен доход, така и од други институции  како и користење на правото утврдено со Законот за враќање на дел од данокот на додадена вредност на физички лица – за да скенирате фискални сметки преку во апликацијата МојДДВ потребно е да имате кориснички профил во системот е-Даночни услуги (Е-ППД).