Украински министер: Русија повторно го прекрши прекинот на огнот, повиците на Москва за прекин на огнот се лажни

Русија го прекрши примирјето иницирано од Киев со нови напади врз Украина синоќа, објави украинскиот министер за надворешни работи Андриј Сибиха.

Министерот напиша на X дека Русија испратила 108 беспилотни летала и лансирала три ракети, како и дека градот Харков и Запорошката област биле цел на напади.

„Москва повторно го игнорираше реалниот и фер повик за прекин на непријателствата, кој беше поддржан од други држави и меѓународни организации“, рече Сибиха.

- Advertisement -

Тој оцени дека Русија го отфрла мирот и дека нејзините лажни повици за прекин на огнот на 9 мај немаат никаква врска со дипломатијата.

„На Путин му е грижа само за воените паради, а не за човечките животи. Таквиот став бара силен и зголемен притисок врз рускиот режим, вклучително и нов пакет санкции, изолација и одговорност за руските злосторства, како и поголема поддршка за Украина“, заклучува објавата.