Укината забраната за летови во САД по парализирање на воздушниот сообраќај – илјадници патници блокирани на аеродромите

Илјадници летови беа откажани, а десетици илјади патници останаа блокирани на американските аеродроми. ФАА соопшти дека по темелното тестирање на системите е дозволено продолжување на дел од летовите.

Министерот за транспорт, Шон Дафи, изјави дека за целосно нормализирање на состојбата ќе биде потребно време поради недостигот од авиони и екипажи. Тој објасни дека проблемите биле предизвикани од дефекти во радио и радарските системи, како и од преоптоварување на рутерите, поради истовремено користење постара и понова технологија.

Министерот за внатрешна безбедност, Марквејн Мулин, изјави дека затворањето на воздушниот простор било неопходна безбедносна мерка. Според него, нема индиции дека прекинот бил предизвикан од кибернапад, иако таа можност засега не е исклучена.

- Advertisement -

ФАА во историјата само двапати го затворила воздушниот простор на САД – по терористичките напади на 11 септември 2001 година и во февруари 2023 година, поради дефект на системот за известување на пилотите.