Тулси Габард поднесе оставка од лични причини

Директорка на националното разузнавање на САД Тулси Габард поднесе оставка од функцијата, и за тоа во петокот го известила претседателот Доналд Трамп за ова за време на состанок во Овалната соба, јави Фокс Њуз.

Габард поднесува оставка за да му пружи поддршка на својот сопруг во неговата битка со „исклучително редок облик на рак на коските“, дознава порталот Фокс њуз диџитал, кој ексклузивно дошол до нејзиното официјално писмо со оставка.

Во писмото Габард вели дека е „длабоко благодарна за доверената доверба и за можноста да раководи со Канцеларијата на директорот на националното разузнавање во изминатата година и половина“.

- Advertisement -

Американскиот претседател Доналд Трамп ја потврди оставката на Тулси Габард и рече дека таа „заврши неверојатна работа и ќе ни недостига“.

„На нејзиниот прекрасен сопруг, Абрахам неодамна му беше дијагностициран редок облик на рак на коските, и таа, со целосно право, сака да биде со него, помагајќи му да се врати на доброто здравје додека во моментов заедно водат тешка битка. Не се сомневам дека тој наскоро ќе биде подобар од кога било. Тулси заврши неверојатна работа и ќе ни недостига. Нејзиниот високо почитуван прв заменик-директор на националното разузнавање, Арон Лукас, ќе служи како вршител на должноста директор на националното разузнавање“, напиша Трамп на Трут Соушл, објавувајќи го и писмото со оставка на Габард.

Тулси Габард е четвртата жена на висока позиција во администрацијата на американскиот претседател Доналд Трамп која ја напушта својата функција во последните три месеци.

Министерката за труд, Лори Чавез-Деремер, поднесе оставка на крајот на минатиот месец по тврдењата за злоупотреби во нејзиното министерство.

Кристи Ноем беше разрешена од функцијата министерка за внатрешна безбедност во март, а Пам Бонди ја напушти својата функција како министерка за правда и главен обвинител помалку од еден месец подоцна.