Црна Гора денес затвора две поглавја, Спајиќ ја предводи делегацијата во Брисел

„Со затворањето на овие две поглавја од преговорите, кои припаѓаат на кластерите 2 и 3, Црна Гора потврдува дека го постигнала потребното ниво на усогласување со acquis communautaire во областите на политиката на конкуренција и царинската унија“, соопшти кабинетот на црногорскиот премиер.

Премиерот Милојко Спајиќ ја предводи делегацијата што денес ќе учествува на Меѓувладината конференција меѓу Црна Гора и Европската Унија во Брисел, каде што ќе бидат затворени преговарачките Поглавја 8 – Конкуренција и Поглавје 29 – Царинска унија.

„Со затворањето на овие две поглавја од преговорите, кои припаѓаат на кластерите 2 и 3, Црна Гора потврдува дека го постигнала потребното ниво на усогласување со acquis communautaire во областите на политиката на конкуренција и царинската унија“, соопшти кабинетот на премиерот.

- Advertisement -

Со ова ќе се затворат вкупно 18 поглавја од преговорите, што, како што рекоа, е потврда за континуитетот на постигнување резултати во процесот на преговори.

„Одржувањето на оваа Конференција претставува уште еден важен чекор во последната фаза од преговорите, потврда за посветеноста на Црна Гора на спроведување на сеопфатни реформи и довербата на Европската Унија во постигнатиот напредок“, додаде Владата.

По Меѓувладината конференција, Спајиќ, европската комесарка за проширување Марта Кос и ирскиот државен министер за европски прашања Томас Бирн ќе одржат прес-конференција со почеток во 16 часот.

Делегацијата предводена од премиерот ќе ја сочинуваат вицепремиерот и министер за надворешни работи Ервин Ибрахимовиќ, вицепремиерот и министер за економски развој Ник Ѓељошај, министерката за европски прашања Маида Горчевиќ и министерот за финансии Новица Вуковиќ.