Цените на нафтата, по остриот пад минатата недела, повторно се зголемија поради новите тензии во Ормускиот Теснец

Цените на нафтата, по остриот пад минатата недела, повторно се зголемија поради новите тензии во Ормускиот Теснец. На лондонскиот пазар цената на барел скокна за 5,7 проценти, на нешто над 87 долари, додека на американскиот пазар, цената на барел се зголеми за повеќе од 6 проценти и изнесува 89,5 долари.

Цените се променливи од крајот на февруари, кога САД и Израел го нападнаа Иран, а Техеран одговори со затворање на Ормускиот Теснец, кој е клучна рута за извоз на нафта од Блискиот Исток.

Шефот на Меѓународната агенција за енергија вели дека на Европа има млазно гориво за уште само за 6 недели.

- Advertisement -

На аеродромот во Загреб потврдуваат дека има откажани летови поради војната на Блискиот Исток.

– Цената на авиогоривото во Европа се зголеми за околу 100 проценти од почетокот на кризата на Блискиот Исток, а уште повеќе на некои аеродроми. Цените беа околу 900 долари по тон, а сега достигнуваат до 2.000 долари по тон – вели Марко Цвијин, директор на авиокомпанијата „Трејд Ер“.

Зголемувањето на цената значително влијае на оперативните трошоци.

– Горивото порано сочинуваше околу една третина од цената на еден час лет на авионот. Сега тој удел се искачи на речиси половина од вкупните трошоци на час, што е секако загрижувачко – вели тој.

Патниците можат да очекуваат повисоки цени на авионските билети.

– Тешко е да се каже, бидејќи зависи од секоја авиокомпанија, но во секој случај ќе влијае на прилагодувањето на цената нагоре – рече Цвијин за РТЛ.

Тој додаде дека постои и можност и за намалување на бројот на летовите.

– Ако трендот на зголемување на цените на горивата продолжи, веројатно ќе има дополнителни откажувања и намалување на бројот на летови, бидејќи способноста на авиокомпаниите да ги продаваат своите капацитети слабее – вели тој.

На прашање што би се случило ако Европа навистина остане без гориво за 6 недели, Цвијин вели дека тоа се загрижувачки вести.

– Тешко е да се процени што би можело да се случи во најлош случај. Се надеваме дека тоа нема да се случи, дека кризата на Блискиот Исток ќе се смири и дека снабдувањето со гориво за авиони, особено во Европа, ќе продолжи како и досега – рече тој.

Цвијин, кој работи во авијацијата повеќе од 30 години, вели дека не се сеќава на ваква ситуација.