Цената на кафето се искачи на највисоко ниво за период од шест месеци, достигнувајќи 3,57 долари за фунта (0,454 кг) кафе

Цената на кафето се искачи на највисоко ниво за период од шест месеци, достигнувајќи 3,57 долари за фунта (0,454 кг) кафе, поради загриженоста дека лошото време во Бразил и Виетнам би можело да го намали идното производство и залихи и да доведе до недостиг на пазарот.

Бразил е најголемиот светски производител и извозник на кафе Арабика, додека Виетнам доминира во производството на Робуста.

Според проценките на експертот за пазари на стоки Зафер Ергезен, зголемувањето на температурата и намалувањето на врнежите од дожд во овие земји имаат негативен ефект врз цветањето на растенијата кафе, што би можело да доведе до послаб род во следната сезона.