Тригодишно момче е меѓу жртвите на синоќешниот руски напад врз Украина

Тригодишно момче е меѓу жртвите на синоќешниот руски напад врз Украина. Детето загинало во Днепар, каде што била погодена станбена зграда.

Видеото од  извлекувањето на телото го објави украинската премиерка Јулија Свириденко.

„Требаше да го има целиот живот пред себе“

Свириденко сподели потресна порака покрај снимката.

- Advertisement -

„Младата жртва на синоќешниот руски напад врз Днепар беше тригодишно момче. Спасувачите го извлекоа неговото тело од под урнатините. Дете кое требаше да го има целиот живот пред себе“, напиша таа.

Таа изрази сочувство до семејството.

„Секое дете убиено од Русија е трагедија што не може да се поправи“, порача премиерката.

Спасувачките акции продолжуваат

Украинските власти соопштија дека нападите погодиле повеќе цели низ земјата. Најтешко погодени биле станбени објекти и цивилна инфраструктура.

Спасувачките екипи и натаму расчистуваат урнатини на дел од погодените локации. Властите предупредуваат дека бројот на жртви може дополнително да се зголеми.