Три лица загинаа, а по едно лице сè уште се трага по тешката поморска несреќа што денеска се случи во водите меѓу хрватските острови Шолта и Брач

Три лица загинаа, а по едно лице сè уште се трага по тешката поморска несреќа што денеска се случи во водите меѓу хрватските острови Шолта и Брач. Според информациите на хрватските медиуми, несреќата се случила околу 11:38 часот кај Сплитски Врати кога се судриле брз патнички брод катамаран и едрилица.

Хрватскиот премиер Андреј Пленковиќ денес изрази искрено сочувство до семејствата на тројцата чешки државјани кои загинаа, а упати сочувство и до чешкиот премиер Андреј Бабиш.

Од полицијата соопштија дека четири лица биле спасени и им била укажана медицинска помош на местото на несреќата, без потреба од болничко лекување. Хрватски Индекс пренесува информации додека истрагата трае.

- Advertisement -

Катамаранот „Крило Норд“, сообраќал на линијата Сплит-Брач. Во моментот на судирот пловел кон островот Брач. По судирот, едрилицата потонала, а на местото веднаш биле испратени екипи на поморската полиција, пристанишните власти и службите за итни интервенции.

Во акцијата за спасување и потрага се вклучиле и други пловила кои во тој момент се наоѓале во близина.

Истрагата ќе ја води заменик-окружен државен обвинител со помош на сообраќајни експерти и полициски служби, кои треба да утврдат како дошло до трагичниот судир.

Точните околности под кои се случила несреќата засега не се познати. Капетанот на Пристанишната управа во Сплит, Жељко Куштера, соопшти дека дрон на крајбрежната стража на хрватската морнарица ќе ја провери едрилицата што потона на дното по судирот со катамаран во неделата.

Судскиот експерт за поморски работи Дамир Вишиќ изјави дека е прерано да се извлекуваат заклучоци за причината за сериозната поморска несреќа, бидејќи властите сè уште собираат податоци.

– Брод пократок од 20 метри мора да избегнува поголеми бродови на водни патишта и тесни канали. За тоа зошто се случи ова, до нас стигнаа премалку информации. Можеби имало технички дефект – изјави Вишиќ за ХРТ.

Катамаранот „Крило Еклипс“ вклучен во поморската несреќа пристигна во Милна на Брач. Таму се и полицијата и другите служби за итни случаи.

За разлика од глисер, катамаранот е голем патнички брод наменет за превоз на повеќе десетици патници со голема брзина. Моделот „Крило Норд“ е долг 41 метар и има капацитет од 267 патници.