БИТОЛСКИ ОКТОПОД: Фактор ИН, Анета Ѓорѓиев и мрежата која го гуши стечајот на СН Осигурителен Брокер – Трето одложување на рочиштето пред Основен Суд Битола

Битола – Стечајното рочиште закажано за 17 април 2026 година пред Основен суд Битола врз СН Осигурителен Брокер – Битола повторно беше одложено. Ова е веќе третото по ред одложување на првото испитно и извештајно рочиште во стечајната постапка. Година дена по отворањето на стечајот , правдата и доверителите сè уште чекаат.

Една година стечај, ниедно одржано рочиште

Стечајната постапка врз СН Осигурителен Брокер беше отворена откако Основниот суд во Битола ги усвои предлозите на доверителите, со образложение дека друштвото е неликвидно и неспособно да ги намирува обврските. Оттогаш, сепак, постапката стагнира на мртва точка.

Стечајниот судија Иван Колевски е одговорен за водење на постапката. Улогата на судијата Колевски во оваа афера е критична, но истовремено и предмет на сериозни прашања. OhridSky

- Advertisement -

Новото одложување дојде со образложение дека новата стечајна управничка сè уште не завршила со прегледот на документацијата. Редакцијата Охридскај го оценува ова за неприфатливо оправдување , смешно и трагично во исто време, особено кога се знае дека постапката траела цела година без одржано прво рочиште.

Кој стои зад одложувањата? Битолскиот ОКТОПОД

Зад серијата одложувања, според истражувањето на Охридскај, стои добро координирана мрежа на интереси. Клучна фигура во оваа афера е фирмата Фактор ИН, во сопственост на Даница Џутеска и Владе Пазарџиески. OhridSky

Според информациите со кои располага редакцијата, Анета Ѓорѓиев, поврзана со деловното крило на оваа група, наводно учествувала во ветување дека судијата Колевски ќе биде промовиран на функцијата претседател на Основен суд Битола , доколку постапката продолжи да се одвива во нивна корист.

Стечајната постапка се води во Основен суд Битола под раководство на судијата Иван Колевски. Нашиот тим побара коментар од судијата Колевски, но до моментот на објавување не добивме одговор. OhridSky

29 милиони евра во магла – Доверителите без одговори

Позадината на овој случај е особено загрижувачка. За период од само една година, компанија која управуваше со премии во вредност од приближно 29 милиони евра се најде во стечај, оставајќи зад себе мрежа од неодговорени прашања и сомнителни трансакции. OhridSky

Анализата на официјалните документи од стечајната постапка покажува дека долгот скокнал од 4,1 милиони денари (2022) на над 516 милиони денари (ноември 2025) , зголемување од речиси 19.000% за само три години. OhridSky

Стотици невини граѓани, претежно земјоделци од руралните средини, се наоѓаат на листи на фиктивни долгови создадени за извлекување на ликвидност. OhridSky

Охридскај го повикува Судскиот совет на РСМ да реагира

Редакцијата Охридскај уште еднаш јавно го повикува Судскиот совет на Република Северна Македонија да ја преиспита работата на судијата Иван Колевски и да отвори формална постапка за утврдување на одговорноста за систематското одложување на стечајното рочиште.

Претседателот на Судскиот совет Камбоски, кој на оваа позиција дојде од битолското апелациско подрачје, до ден-денес не покренал истрага. Причините за неговото молчење се предмет на легитимно јавно прашање.

Клучни прашања кои бараат одговор:

• Зошто за цела година не е одржано ниедно рочиште?
• Кој одлучи да ја смени стечајната управничка Даниела Блажевска  и зошто?
• Дали постои конфликт на интереси кај стечајниот судија Колевски?
• Каде завршија 29 милиони евра наплатени премии?
• Зошто Судскиот совет не реагира?

Охридскај ќе продолжи да ја следи и документира оваа постапка. Правдата за доверителите и граѓаните не смее да чека вечно.

Забелешка на редакцијата: Охридскај работи врз база на јавно достапни документи и информации добиени од извори. Сите наводи кои се однесуваат на конкретни лица претставуваат новинарски прашања од јавен интерес, а засегнатите лица имаат право на одговор .

С.Денсовски