Трамп: Завршив осум војни за десет месеци, една од нив е меѓу Србија и Косово????

Топ Вести - Слушај сега

Претседателот на Соединетите Американски Држави, Доналд Трамп, изјави дека сегашната администрација „завршила осум војни за десет месеци“ и во овој контекст ги спомена и Србија и Косово.

- Advertisement -

Трамп зборуваше и за Нобеловата награда за мир, наведувајќи дека, како што вели, Марија Корина Мачадо му рекла дека „претседателот Трамп ја заслужува Нобеловата награда затоа што завршил осум војни“.

Тој ги наведе и војните што, според него, ги завршил.„Никој не видел операција како онаа што ја спроведовме во Венецуела. Завршивме осум недовршени војни за десет месеци – Камбоџа и Тајланд, кои беа во војна со години, Косово и Србија, Конго и Руанда, Пакистан и Индија – според мене, тие можеа да станат нуклеарни. Премиерот на Пакистан беше тука и рече дека претседателот Трамп спасил десет милиони луѓе, а можеби и повеќе. Исто така, тука се Израел и Иран, Египет и Етиопија… И јас ги запрев“, рече тој за време на прес-конференција.

Трамп, исто така, рече дека ја завршил војната меѓу Ерменија и Азербејџан и дека во овој контекст, рускиот претседател Владимир Путин му рекол: „Не можам да верувам дека ја завршивте таа војна, се обидувам да ја решам десет години“.

„Спасив милиони и милиони луѓе“, рече тој.

Ова не е прв пат Трамп да ги спомене Србија и Косово во контекст на војни што тој, според неговите сопствени тврдења, ги завршил.