Американскиот претседател Доналд Трамп, кој наскоро ќе наполни 80 години, повторно се најде во центарот на вниманието откако на кратко ги затвори очите за време на јавен настап.
Неговиот замор стана забележлив среде телевизиско обраќање во четвртокот попладне, кога објавуваше договор со фармацевтската компанија Regeneron. Додека зад него стоеја министри и раководители на фармацевтски компании во Овалната соба, Трамп неколкупати ги затвори очите, по што повторно се разбуди и продолжи со говорот.
Иронично, станува збор за истиот политичар кој со години му се потсмеваше на поранешниот претседател Џо Бајден, нарекувајќи го „Поспаниот Џо“. Сега, според дел од реакциите на јавноста, прекарот почнува да се врзува и со самиот Трамп.
Ова не е првпат вакви сцени да се појават во јавноста. Минатиот месец, слична ситуација се случи за време на состанок на кабинетот, додека министерот за одбрана Пит Хегсет зборуваше за медиумското известување поврзано со конфликтите на Блискиот Исток.
Само неколку дена претходно, Трамп изгледаше како да задремал и на прес-конференција поврзана со работна група во Мемфис.
Од Белата куќа претходно ги објаснуваа ваквите ситуации тврдејќи дека претседателот не спие, туку „внимателно слуша“ или само „ги одмара очите“.
И самиот Трамп во интервјуа посочувал дека краткото затворање на очите го смета за „многу опуштачко“ и дека тоа му помага подобро да се концентрира.
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
© 2025 OhridSky. Сите права задржани.
Please login or subscribe to continue.
No account? Register | Lost password
✖✖
Are you sure you want to cancel your subscription? You will lose your Premium access and stored playlists.
✖
