Трамп во врска со предлогот на Путин за директни преговори меѓу Москва и Киев, изјави дека тоа би бил „потенцијално голем ден за Русија и Украина“

Американскиот претседател Доналд Трамп синоќа во врска со предлогот на рускиот претседател Владимир Путин за директни преговори меѓу Москва и Киев, изјави дека тоа би бил „потенцијално голем ден за Русија и Украина“.

„Помислете на стотиците илјади животи што ќе бидат спасени ако се надеваме дека ова бесконечно крвопролевање ќе заврши. Тоа ќе биде сосема нов и многу подобар свет. Ќе продолжам да соработувам со двете страни за да се осигурам дека тоа ќе се случи. САД сакаат наместо на тоа (војна) да се фокусираат на обнова и трговија. Пред нас е голем ден“, објави Трамп на Трут Соушл.

Рускиот претседател Владимир Путин на прес-конференција предложи Русија и Украина да одржат директни преговори, „без никакви предуслови“ на 15 мај во Истанбул.

- Advertisement -

Тој рече дека лично ќе му се обрати на турскиот претседател Реџеп Таип Ердоган за да ги организира преговорите.

Рускиот лидер додаде дека Русија е фокусирана на водење сериозни преговори со Украина за да се отстранат основните причини за конфликтот.