Трамп ветува обнова на земјата „на многу профитабилен начин“

Топ Вести - Слушај сега

Американскиот претседател Доналд Трамп рече дека „само времето ќе покаже“ колку долго САД ќе го задржат надзорот врз Венецуела.

- Advertisement -

На прашањето на „Њујорк тајмс“ дали тоа ќе трае три месеци, шест месеци, една година или подолго, Трамп одговори: „Би рекол многу подолго“.

Трамп додаде дека САД ќе ја „обноват Венецуела на многу профитабилен начин“, наведувајќи дека ќе користат и продаваат нафта за да ги намалат цените и да обезбедат пари што на Венецуела „очајно ѝ се потребни“.

Американскиот претседател, исто така, рече дека САД „се согласуваат многу добро“ со владата на привремената венецуелска претседателка Делси Родригез.

Во вторникот Трамп откри план за рафинирање и продажба на до 50 милиони барели венецуелска нафта, која претходно беше блокирана во земјата, поради американските санкции, што, според него, покажува координација со привремената влада на Венецуела.

– Тие ни даваат сè што мислиме дека е потребно – рече Трамп.