ТРАМП СМИСЛИ НОВО ИМЕ ЗА „AI“ Тоа предизвика силен раст на регистрации на словенечкиот интернет домен „.si“

Обидот на американскиот претседател Доналд Трамп да ја преименува вештачката интелигенција (ВИ) во „суперинтелигенција“ (СИ) доведе до значително зголемување на барањата за интернет адреси што завршуваат на „.si“, што ја изненади Словенија, пренесува францускиот АФП.

-Вештачката интелигенција звучи лажно – изјави Трамп пред Генералното собрание на Обединетите нации минатата недела, истакнувајќи дека СИ „звучи многу подобро“.

Тој додаде дека САД ќе почнат да го користат многу попрецизниот термин „суперинтелигенција – СИ“ во своите официјални документи.

- Advertisement -

Словенечкото национално име на доменот е токму „.si“, а интернет адресите што завршуваат на тоа можат да ги регистрираат и странци.

– Од говорот (на Трамп), има силно, но постојано зголемување на бројот на барања за користење на доменот „.si“- изјави Клара Херман, портпаролка на словенечкиот национален регистар на домени.

Агенцијата регистрирала просечно 3.700 нови домени секој ден од говорот на Трамп, додека во целиот август тој број бил околу 3.500.

Во соопштението на својата веб-страница, агенцијата „силно им препорачува на сопствениците на трговски марки, слогани, имиња на компании и други кои сè уште не го поседуваат доменот .si да го регистрираат што е можно поскоро“.