Трамп предлага 80% царина за кинеските стоки

Кинескиот вицепремиер Хе Липенг денеска Женева разговараше со американскиот секретар за финансии Скот Бесант за ублажување на трговската војна што ја нарушува глобалната економија, објави кинеската новинска агенција Синхуа.

Средбата е организирана по неколкунеделите тензии поради зголемувањето на царините за кинески стоки од страна на американскиот претседател Доналд Трамп за 100%.

Трговскиот спор, заедно со одлуката на Трамп минатиот месец да воведе царини за десетици други земји, ги наруши синџирите на снабдување, ги потресе финансиските пазари и ги поттикна стравувањата од нагло економско забавување.

- Advertisement -

Трамп вчера во пресрет на средбата изјави дека царината од 80% за кинески стоки „се чини исправна“, сугерирајќи за прв пат конкретна алтернатива на царините од 145% што ги воведе за увезената кинеска стока.