Трамп не верува оти Кина или Русија се вмешани во конфликтот со Иран, но предупреди дека доколку тоа се случи, „би било многу лошо за нив“

Претседателот на САД, Доналд Трамп, изјави дека не верува оти Кина или Русија се вмешани во конфликтот со Иран, но предупреди дека доколку тоа се случи, „би било многу лошо за нив“.

– Претседателот Си, за време на нашата неодамнешна средба во Пекинг, ми рече дека под никакви околности нема да ѝ обезбедува или продава оружје на Исламската Република Иран, а таа изјава ги опфаќаше и кинеските компании – рече Трамп.

Американскиот претседател додаде дека и рускиот претседател Владимир Путин му рекол дека Русија нема да му продава оружје на Иран, нагласувајќи дека верува оти ниту Москва ниту Пекинг не се вмешани во конфликтот.

- Advertisement -

– Ако го направат тоа, ќе биде многу лошо за нив. Сигурен сум дека тоа не би било во нивен интерес – рече Трамп.

САД и Иран се во војна откако САД и Израел почнаа да изведуваат воздушни удари во февруари, при што беа убиени високи ирански официјални претставници, вклучувајќи го и врховниот лидер.

Тој потсети дека САД неодамна воведоа санкции против физички лица и компании од Русија и од Кина за кои Вашингтон смета дека му помагаат на Техеран да набавува оружје.