Трамп јавно призна дека САД ги следат Кина и Русија

Американскиот претседател Доналд Трамп јавно изјави дека САД ги шпионираат Кина и Русија, тврдејќи дека американските разузнавачки служби тоа го прават поуспешно од нивните кинески и руски колеги.

Трамп ова го изјави на предизборен митинг на Републиканската партија во Дубјук, во американската сојузна држава Ајова, одржан на 1 ноември, два дена пред изборите за Конгресот.

– Кина нè шпионира. Одговорив: Да, и ние ги шпионираме нив. Не грижете се за тоа – рече Трамп.

- Advertisement -

Тој додаде дека САД внимателно ги следат и Кина и Русија, но, како што тврдеше, американските служби тоа го прават подобро од нивните колеги.

За разузнавачките активности Трамп почна да зборува додека ги коментираше американските воени операции против Иран и, како што наведе, тешкотиите на Вашингтон да пронајде ирански претставници со кои би можел да преговара.

Американскиот претседател тврдеше дека голем дел од иранските воени капацитети биле уништени, вклучително и бродови, авиони и радарски системи. Во тој контекст, тој се пошегува дека американските напади можеби претерале со ликвидирањето на иранските лидери.

– Тоа е мојот проблем. Можеби малку претеравме со нивните лидери. Немам со кого да разговарам. Се обидувам да најдам некого со кого би можел да разговарам. Никој не сака да биде претседател – рече Трамп.

На митингот во Ајова, Трамп им даде поддршка на републиканските кандидати и ги повика гласачите да излезат на изборите, со цел Републиканската партија да ја задржи контролата врз Конгресот.