Background

ТРАМП И СИ ЈА ЗАВРШИЈА СРЕДБАТА ЗА САМО 13 МИНУТИ

Американскиот претседател Доналд Трамп и кинескиот претседател Си Џинпинг ја завршија билатералната средба во Кина по само 13 минути, објавија американските медиуми. Главни теми на разговорите биле економските и безбедносните прашања.

Трамп изјави дека претходната вечер, за време на свечената вечера, седел покрај Си Џинпинг и дека разговарале два часа.

– Синоќешниот настан беше неверојатен, навистина посебен – рече Трамп, додавајќи дека разговарале за многу од темите што планирале да ги отворат и на билатералната средба.

- Advertisement -
Ad image

– Мислам дека разговорите ќе бидат многу продуктивни – изјави Трамп пред средбата.

Американскиот претседател претходно го пофали и личниот однос со кинескиот лидер, во пресрет на најавената заедничка средба со рускиот претседател Владимир Путин.

– Претседателот Си и јас изградивме извонреден личен однос. Навистина е така. Некои луѓе не се среќни кога го слушаат тоа, но јас сум многу задоволен. Тој однос им служеше многу добро на граѓаните на двете наши земји. Продолжуваме да го градиме тоа пријателство, стануваме сè поблиски и тоа е навистина неверојатно – рече Трамп.

Трамп изјави и дека САД и Кина имаат заеднички интерес да обезбедат непречен проток на енергенси низ Ормускиот Теснец и да го спречат Иран да развие нуклеарно оружје.

– И двајцата силно се залагаме за тоа – рече американскиот претседател.

Трамп изрази уверување дека најавената трилатерална средба со Си Џинпинг и Владимир Путин ќе донесе конкретни резултати.

– Многумина не беа сигурни дали нешто ќе произлезе од тоа. Мислам дека ќе има резултати. Во тоа сум многу, многу уверен – изјави тој.

ЗА НАС

ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.

© 2025 OhridSky. Сите права задржани.

Login to enjoy full advantages

Please login or subscribe to continue.

✖

Go Premium!

Enjoy the full advantage of the premium access.

✖

Stop following

Unfollow Cancel

✖

Cancel subscription

Are you sure you want to cancel your subscription? You will lose your Premium access and stored playlists.

Go back Confirm cancellation

✖