Температурите ќе достигнат 35 степени, следува и нестабилен период

Во Македонија продолжува периодот на претежно сончево и топло време. Во текот на денот ќе има мала до умерена локална облачност, а ветерот ќе биде слаб до умерен и од променлив правец.

Утринските температури ќе се движат од 7 степени во Берово до 18 степени во Гевгелија, додека максималните дневни температури ќе достигнат од 28 степени во Маврово до 35 степени во Гевгелија.

Во Скопје се очекува сончево време со слаб ветер од променлив правец. Температурата ќе се движи од 15 до 35 степени.

- Advertisement -

Во понеделник времето ќе биде сончево со мала до умерена локална облачност. Ќе дува слаб до умерен ветер, претежно од северозападен правец.

Минималните температури ќе се движат од 8 до 19 степени, а максималните од 31 до 37 степени.

Во вторник ќе има промени во временската состојба. Ќе биде променливо облачно со сончеви периоди, а наместа ќе биде нестабилно со пороен дожд, грмежи и засилен ветер.

Утринските температури ќе бидат од 10 до 19 степени, додека дневните максимални ќе се движат од 29 до 36 степени.

Најтопло ќе биде во понеделник, кога на места температурата може да достигне 37 степени, а во вторник се очекува извесно заладување, но и услови за локални невремиња.