Суд во Стразбур: Прекршени правата на новинарите во Чешка

Европскиот суд за човекови права пресуди дека Чешка ја прекршила слободата на изразување на новинарка уапсена за време на еколошки протест во рудник за јаглен.

Во 2020 година, новинарката ги следела демонстрантите кои влегле во ограничена зона на рудникот. Иако носела видлива значка за новинари, полицијата ја отстранила, ја уапсила и ја задржала околу два часа. ѝ било забрането да снима за време на апсењето.

Европскиот суд за човекови права утврдил дека апсењето ја спречило новинарката да собира информации и да известува за третманот на полицијата кон демонстрантите, што е прашање од јавен интерес.

- Advertisement -

Судот во Стразбур заклучи дека домашните судови не го оправдале доволно апсењето и дека тоа не било потребно во демократско општество. Чешка треба да ѝ плати 3.000 евра за трошоци.