СТОЈАНЧЕ ОБВИНЕТ ДЕКА ЈА ДОВЕЛ ИВАНА ДО САМОУБИСТВО Ѝ го одзел станот, ја тепал, ја бркал од дома…

Топ Вести - Слушај сега

Обвинение е покренато против Стојанче Јовановски, кој се товари дека со долгогодишно психичко и физичко насилство ја довел сопругата Ивана Јовановска до трагичниот чин – скок од шести кат заедно со нивната шестгодишна ќерка Катја.

- Advertisement -

Според обвинителството, Јовановски ќе одговара за повеќе кривични дела, меѓу кои семејно насилство со нанесување телесни повреди, загрозување на сигурноста, како и наведување и помагање во самоубиство.

Истражните наоди укажуваат дека на 2 март, на неколку локации во Скопје, обвинетиот физички ја нападнал сопругата, удирајќи ја со шлаканици и тупаници, при што таа во еден момент изгубила свест. Подоцна, на паркинг зад Основниот кривичен суд, ѝ упатил сериозни закани по живот, со што дополнително ја зголемил нејзината вознемиреност и страв.

Обвинителството тврди дека малтретирањето траело подолг период. Ивана, која била во фактичка и егзистенцијална зависност од сопругот, трпела понижувања, тепање и закани, често и во присуство на нивната ќерка. Насилството се засилило особено во текот на 2025 година.

На критичниот ден, по нови закани и напади, таа се вратила дома со детето со намера да се спакува и да замине. Но, психичката состојба во која се нашла – исполнета со страв, безнадежност и чувство дека нема излез – довела до трагедијата. Таа скокнала од терасата на станот на шестиот кат, заедно со малолетната Катја.

Во текот на истрагата, на Јовановски двапати му бил одреден 48-часовен притвор, по што му бил изречен и осумдневен притвор. Обвинителството сега бара мерката да продолжи, поради опасност од бегство и можност да продолжи со насилничко однесување.

Случајот предизвика силни реакции во јавноста и повторно го отвори прашањето за заштитата на жртвите од семејно насилство и навремената институционална реакција.