Стартап за вештачка интелигенција потпиша договор со Google вреден 200 милијарди долари

Стартапот Anthropic се обврза да потроши 200 милијарди долари на Google Cloud во следните пет години, што претставува повеќе од 40 проценти од договорените идни приходи на Google, објави The Information во вторник, повикувајќи се на извор запознаен со договорот.

Акциите на Alphabet, матичната компанија на Google, пораснаа за околу два проценти откако беше објавена веста. Во април, Anthropic, исто така, потпиша договор со Google и Broadcom за да обезбеди капацитет на единиците за обработка на тензори, кои треба да бидат достапни од 2027 година.

Алфабет инвестира до 40 милијарди долари во Antropic, со што го продлабочува своето партнерство со стартапот за вештачка интелигенција, кој е и негов конкурент во глобалната трка за вештачка интелигенција.

- Advertisement -

Договорите поврзани со Anthropic и OpenAI денес сочинуваат повеќе од половина од 2 трилиони долари вкупни договорни приходи на најголемите даватели на услуги во облак, вклучувајќи ги Amazon Web Services, Microsoft Azure и Google Cloud.

Силната побарувачка за семејството модели на вештачка интелигенција Claude, создадени од Anthropic, ја поттикна компанијата да потпише серија големи договори за да обезбеди дополнителен компјутерски капацитет. Компанијата користи различни платформи, вклучувајќи го Trainium на Amazon, TPU-ата на Google и графичките процесори на Nvidia, и обезбедува дополнителен капацитет преку партнерства со компании како што е CoreWeave.

Во таква средина на забрзан развој на вештачката интелигенција и облачната инфраструктура, Alphabet е на работ да ја престигне Nvidia и да стане највредна компанија во светот, поттикната од рекордниот раст на цената на акциите и зголемената побарувачка за услуги за вештачка интелигенција.