Српскиот тенисер Новак Ѓоковиќ победи во финалето на турнирот АТП 250 во Атина, откако го совлада Лоренцо Мусети од Италија со 2:1 во сетови, по три часа игра

Српскиот тенисер Новак Ѓоковиќ победи во финалето на турнирот АТП 250 во Атина, откако го совлада Лоренцо Мусети од Италија со 2:1 во сетови, по три часа игра.

Ова за Ѓоковиќ е 101-турнирска победа и сега е на чекор зад Рожер Федерер кој има 103 и Џими Конорс, кој има 109 победи на турнири.

Финалето не почна како што посакуваше Ѓоковиќ, откако ривалот го доби првиот сет со 6:4 во гемови. Но, српскиот тенисер го освои вториот сет со 6:3.

- Advertisement -

Во решавачкиот сет српскиот тенисер имаше предност. Прво направи брејк за водство до 2:1 во гемови, но Мусети изедначи на 3:3. Во следниот гем нов брејк за Ѓоковиќ и водство од 4:3. Но, кога сервираше за меч италијанскиот тенисер изедначи на 5:5. Следуваше нов брејк на Ѓоковиќ во 11.тиот гем за 6:5 откако ја искористи четвртата брејк-топка. Во следниот гем на свој сервис без загубен поен ја искористи меч топката за конечни 7:5 во третиот сет.

За Мусети поразот во финалето значи дека нема да учествува на завршниот Мастерс што почнува утре во Торино.