Средбата меѓу Зендаја и Брижит Макрон на ревијата на Луис Витон во Париз предизвика бројни реакции на социјалните мрежи

Средбата меѓу Зендаја и Брижит Макрон на ревијата на Луис Витон во Париз предизвика бројни реакции на социјалните мрежи. Актерката ја поздрави првата дама на Франција и ѝ подаде рака, откако таа ѝ пријде, но остана да седи на своето место во првиот ред.

На видеото, кое го објави „Paris Match“, се гледа како се одвива средбата меѓу првата дама на Франција и славната актерка. Двете се поздравуваат, разменуваат неколку зборови и се ракуваат, но актерката не станува од своето место.

Ова го забележаа корисниците на социјалните мрежи. Некои ја критикуваа Зендаја и коментираа дека требало да стане кога првата дама на Франција ѝ приоѓа, додека други сметаа дека станува збор за сосема краток и неформален поздрав на модна ревија.

- Advertisement -

Овој момент беше доволен за на интернет да се отвори дебата за бонтон и однесување во вакви ситуации.

Средбата се случи на ревијата на Louis Vuitton за колекцијата пролет/лето 2027 во рамките на Париската модна недела. Зендаја, која е амбасадорка на модната куќа, привлече внимание и со својата комбинација – бела чипкана јакна со големи волани, бела маица, фармерки и бели чевли.

Креативниот директор на Louis Vuitton, Никола Гескиер, ја претстави новата колекција воЛувр, а Брижит Макрон беше меѓу гостите во првиот ред.