Скандалот ЗАМП: Општински службеник ги предал личните податоци на станоиздавателите во Охрид на ЗАМП

Деновиве охридските сопственици на приватни апартмани се видно револтирани од добиените фактури на ЗАМП во висина од 16.500 денари, за кое Охридскај веќе пишуваше.

Но, да ги отстраниме некои дилеми. Здружението за заштита на авторски музички права, ЗАМП, е невладина организација за колективно управување на авторските музички права на македонските изведувачи, во согласност со Законот за авторски и други сродни права, која има дозвола од Министерството за култура на Република Македонија, со Решение бр. 17-2045/13 од 12.06.2003 година.

Како ЗАМП дошло до фамозниот список на станоиздаватели во последните пет години во Охрид? Одговорот е едноставен, вработено лице во Општина Охрид, раководител во секторот ТЛЕР, кој сектор поседува податоци за регистрирани станоиздаватели, на нејасен начин целосно ги предал на здружението ЗАМП.

- Advertisement -

Со оглед на тоа што се работи за давање лични податоци на граѓани, нејасно е како истиот раководител, и согласно кој закон, ги предал тие податоци на едно здружение на граѓани.