Силно невреме и поројни дождови предизвикаа сериозни поплави во турската провинција Самсун

Силно невреме и поројни дождови предизвикаа сериозни поплави во турската провинција Самсун, објави државната агенција „Анадолија“. Најмалку 12 лица биле повредени, додека спасувачките служби извлекувале жители од поплавените домови и улици.

Обилните врнежи што ја погодија областа Хавза, во близина на турското црноморско крајбрежје, довеле до излевање на реките и нагло слевање вода низ улиците. Автомобили биле носени од поројот. Поплавени останале подруми, приземја и деловни објекти.

- Advertisement -

Според „Анадолија“, дел од повредените сами побарале лекарска помош, додека други биле пренесени во болница од медицински екипи. Нема тешко повредени. Но, штетите се големи.

На терен биле распоредени пожарникари, полиција и служби за управување со катастрофи, кои работеле на спасување на заглавените жители и на расчистување на последиците од невремето.