Шефот на панамската дипломатија му се спротивстави на Трамп
Шефот на панамската дипломатија, Хавиер Мартинес-Ача, остро одговори на изјавите на новоизбраниот американски претседател, Доналд Трамп, за контролата врз Панамскиот канал, нагласувајќи дека „суверенитет над каналот не е прашање на преговори“.
Нагласувајќи ја важноста на каналот во историјата на Панама, тој посочи дека станува збор за „неповратно освојување“ и нагласи дека Панамскиот канал е исклучиво под контрола на Панама, објави Њујорк тајмс.
– Така и ќе остане – рече тој.
Панамскиот министер за надворешни работи истакна дека примарна мисија на каналот е да ѝ служи на глобалната трговија додавајќи и дека владата на претседателот Хозе Раул Мулин немала формални или неформални контакти со Трамп или со други претставници на претстојната американска администрација.
Мартинез-Ача истакна дека комуникациите меѓу САД и Панама ќе се спроведуваат преку стандардни официјални канали откако Трамп ќе ја преземе функцијата на 20 јануари.
Тој повтори дека Панама останува отворена за дијалог, инвестиции и за позитивни односи, но дека националните интереси на земјата секогаш се на прво место.
ЗА НАС
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
Links
© 2025 OhridSky. Сите права задржани.
