СЕВЕРИНА Ѝ ПОСВЕТИ НЕЖНА ПОРАКА НА ВНУКАТА МИА

Северина повторно ги разнежни своите следбеници на социјалните мрежи, овојпат со објава посветена на една од најважните личности во нејзиниот живот. По повод 36. роденден на внуката Миа Поповиќ, пејачката објави нивна заедничка фотографија на Инстаграм и ѝ упати кратка, но емотивна честитка.

– Среќен роденден на најдобрата мајка, внука, сестра, ќерка и внука. Нека те чуваат сите добри ангели, ангелу – ѝ порача Северина.

Блискост што трае со години

- Advertisement -

Односот меѓу Северина и Миа одамна ги надминува вообичаените семејни врски. Двете често патуваат заедно и го поминуваат слободното време една со друга. Нивната блискост станала уште поголема додека Миа студирала во Загреб, кога живеела токму кај својата позната тетка.

Пејачката претходно откри и еден посебен детаљ од нивната семејна приказна – таа го избрала името на внуката. Кога Миа се родила, Северина ѝ го дала името без да знае колку добро ќе ѝ прилега.

– Миа, и незнаејќи колку ќе ѝ одговара тоа име… затоа што е мила и затоа што е моја – напиша пејачката во една претходна објава.

Семејните односи не се секогаш едноставни

Миа е ќерка на Маријана, сестрата на Северина, со која пејачката со години не е во блиски односи. Сепак, тоа очигледно не ја нарушило врската меѓу тетката и внуката.

Миа денес е и мајка. Со партнерот Иван Лепушиќ во 2021 година го доби синот Адријан.

И покрај семејните несогласувања, Северина и Миа продолжуваат да негуваат близок однос, а пејачката често споделува фотографии од нивните заеднички патувања и моменти. Нејзината најнова честитка уште еднаш покажа колку ѝ значи внуката.