Семејство со две деца загина во Газа

Палестинска двојка и нивните две малолетни ќерки загинаа денес во израелски воздушен напад во северниот дел на Појасот Газа, соопштија здравствените власти во Газа, истакнувајќи дека Израел во изминатите два дена го засилил бомбардирањето на приватни домови во таа област.

Според здравствените власти во Газа, мажот, неговата сопруга и нивните две ќерки – на возраст од осум и 12 години – загинале во напад врз нивниот дом во градот Беит Лахија, пренесува Ројтерс.

Израелската војска не го коментираше нападот.

- Advertisement -

Според здравствените власти во Газа, повеќе од 1.300 Палестинци – главно цивили – загинале во Газа од официјалниот почеток на примирјето меѓу Израел и Хамас.

Израелската војска тврди дека загинале четворица нејзини припадници, додека Хамас не објавува информации за своите борци.