Савески нека ги побара доказите од Тошковски за „Мазут“ и случајот повторно да биде активиран

СДСМ бара Јавното обвинителство веднаш да постапи по јавно изнесените тврдења на министерот Панче Тошковски и да го реактивира случајот „Мазут“, проценет на 167 милиони евра.

Генералниот секретар на СДСМ, Александар Саша Димитријевиќ, потсети дека јавниот обвинител Ненад Савески самиот кажал дека предметот може повторно да биде отворен доколку се појават нови околности или релевантни докази.

Само неколку часа подоцна, како што посочи Димитријевиќ, министерот Панче Тошковски јавно соопштил дека поседува докази за кои јавноста не знае.

- Advertisement -

„Само неколку часа после брифингот на Савески и овие негови изјави, министерот Панче Тошковски во интервју на телевизија рече дека има докази кои јавноста не ги знае и дека сите ќе бидеме шокирани. Ете го клучот, ете го решението, бараме јавниот обвинител да го повика Панче Тошковски да му ги достави доказите за кои јавно зборува дека ги има.“ рече Димитријевиќ.

Тој нагласи дека доколку тие докази навистина постојат, тогаш нема причина предметот да остане затворен.

„Еве му шанса сега на обвинителот Савески, за конкретен предмет, проценет на 167 милиони евра. Нека го повика Тошковски да ги донесе доказите и случајот Мазут повторно да биде активиран“, порача генералниот секретар на СДСМ, Александар Саша Димитријевиќ.

Линк до видео:  https://youtu.be/ZfdKCIfz7j4