Руски официјални лица: Украинските напади со беспилотни летала ја погодија југозападната рафинерија

Пожар избувна во рафинеријата за нафта Илиски во југозападна Русија по напад со беспилотни летала, а властите ја евакуираа областа погодена од нападот, соопштија официјални лица утрово.

Според прелиминарните информации, никој не е повреден во рафинеријата во регионот Краснодар, објавува Ројтерс.

Пожари избувнаа и во Ростовскиот регион, во две складишта за гориво, како и во пристаништето Таганрог, изјави локалниот гувернер Јуриј Сљусар на Телеграм.

- Advertisement -

Градоначалничката на Таганрог, Светлана Камбулова, изјави дека властите ги евакуирале луѓето од нивните домови во погодените области, и дека една куќа е оштетена, а покривот на административната зграда се запалил.

Руското Министерство за одбрана соопшти дека воздушната одбрана соборила 376 украински дронови во текот на ноќта.

Украина ги засили нападите врз руската енергетска и друга инфраструктура во последните месеци, што доведе до недостиг на гориво низ цела Русија.