Русија започнува тридневни нуклеарни вежби

Русија денес започна тридневни нуклеарни вежби кои ќе вклучуваат лансирање балистички и крстосувачки ракети, соопшти денес руското Министерство за одбрана.

Вежбите, во кои учествуваат 64.000 војници и 7.800 парчиња воена опрема, имаат за цел да ја вежбаат „подготвеноста и употребата на нуклеарните сили во случај на агресија“.

Во маневрите ќе бидат вклучени руските ракетни сили, Северната и Пацифичката флота, авијацијата со долг дострел и единици од Ленинградскиот и Централниот воен округ, соопшти министерството.

- Advertisement -

Ќе бидат вклучени повеќе од 200 лансери за ракети, 140 авиони, 73 бродови и 13 подморници, вклучувајќи осум стратешки нуклеарни подморници, објави Ројтерс.

Вежбите ќе вклучуваат и обука за употреба на руско тактичко нуклеарно оружје распоредено во Белорусија, соопшти министерството.