ПРОСЕЧНАТА НЕТО ПЛАТА ВО ОКТОМВРИ 45.943 ДЕНАРИ

Топ Вести - Слушај сега

Според најновите податоци на Државниот завод за статистика, во октомври 2025 година просечната нето-плата изнесувала 45.943 денари, што претставува зголемување од 9,0 % во споредба со истиот месец претходната година.

- Advertisement -

Истовремено, просечната исплатена бруто-плата за октомври 2025 година изнесува 69.089 денари. И кај бруто-износот е забележан идентичен годишен раст од 9,0 %, при што трендовите по сектори соодветствуваат со движењата кај нето-платата.

Во септември просечната месечна исплатена нето-плата изнесуваше 45. 466 денари. Македонците во октомври земале по 477 денари повеќе од претходниот месец.

Зголемувањето се должи, пред сѐ, на зголемувањето на просечната месечна исплатена нето-плата по вработен во секторите: Дејности на здравствена и социјална заштита за 13.3 %, Административни и помошни услужни дејности за 13.2 % и Дејности во врска со недвижен имот за 10.9 %.

Зголемувањето на просечната месечна исплатена бруто-плата по вработен се должи пред се на зголемување во секторите: Дејности на здравствена и социјална заштита за 13.5 %, Административни и помошни услужни дејности за 13.3 % и Дејности во врска со недвижен имот за 10.9 %.