Премиерот на Албанија денеска постави столчиња со натпис „дијалог“ пред владата и Тирана и  ги покани демонстрантите на разговор, а тие одбија

Премиерот на Албанија денеска постави столчиња со натпис „дијалог“ пред владата и Тирана и  ги покани демонстрантите на разговор, а тие одбија.

Демонстрантите ги фрлаа столиците кон скалите пред владината зграда и порачаа дека нема да прифатат никакви разговори без оставка на премиерот. На ѕидовите залепија фотографии од полициските интервенции на протестите.

- Advertisement -

На протестот што го почнаа студентите пред една недела, се приклучија и наставници, универзитетски професори и академски работници, кои маршираа во знак на поддршка.

„Без оставка нема да запреме“, скандираа демонстрантите, барајќи ослободување на студентите кои беа приведени во изминатите денови.

Инцидентот со столчињата е нов показател за продлабочениот јаз меѓу владата и протестното движење, кое во изминатите денови прерасна во поширок антивладин бунт.

Премиерот Рама претходно порача дека е подготвен да разговара во секое време и без услови, но демонстрантите велат дека поради насилството на полицијата врз учесниците и недовербата во институциите, таквата понуда не е доволна.

Протестите во Албанија во последните денови се интензивираа, а незадоволството на младите се прошири надвор од првичните барања за подобри услови на универзитетите, пониски трошоци за образование и поголема финансиска поддршка за студентите. Демонстрантите бараат оставка од Рама и формирање техничка влада, обвинувајќи ја власта за корупција, игнорирање на граѓанските барања и полициска бруталност. Владата, пак, ги осудува нападите врз институциите и за насилството на улиците.

Премиерот Рама одби да се повлече од функцијата.