Премиерот Христијан Мицкоски денеска потврди дека од мартовската пензија, која се исплаќа на почетокот на април, сите пензионери ќе добиваат зголемена пензија

Топ Вести - Слушај сега

Премиерот Христијан Мицкоски денеска потврди дека од мартовската пензија, која се исплаќа на почетокот на април, сите пензионери ќе добиваат зголемена пензија.

- Advertisement -

Во изјава дадена денеска во Кавадарци, премиерот рече дека статистичките податоци за нивото на сиромаштија и Џиниевиот коефициент ја оправдуваат политиката за линеарното зголемување на пензиите.

– Во април, со мартовската пензија, ќе има линеарно зголемување на пензиите, така што продолжуваме со таа политика. Сакаме да го намалиме нивото на стапката на сиромаштија кај оваа група, а со тоа и да го намалиме Џини коефициентот којшто подразбира нееднаква распределба на доходите кај различни групи на граѓани. Морам да признам дека во таа насока добро се движиме – рече Мицкоски.

Во однос на Џиниевиот коефициент, Мицкоски рече дека сме најдобри во регионот и над европскиот просек, а борбата против сиромаштијата е една од главните цели на Владата.

Предвиденото линеарно зголемување ма пензиите, според претходните најави, ќе биде за сума од 1.000 денари.